::::منتديات موقته لحين تدشين الموقع الرسمي للرابطة::::

كم انتا كبير يازعيم الكرة السودانية
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 شاعر هلالي ازهله المارد الاحمر فراح اتغزل في المريخ

اذهب الى الأسفل 
كاتب الموضوعرسالة
mohammed imad



المساهمات : 3
تاريخ التسجيل : 11/05/2011
العمر : 25

مُساهمةموضوع: شاعر هلالي ازهله المارد الاحمر فراح اتغزل في المريخ   الأربعاء مايو 11, 2011 11:26 am

مريخ السودان

* بحس الوطنية بطلق العنان لخيالي..

* أتغزل في المريخ رغم إني هلالي..

* أسلك طريقاً ما إتمشى قبالي..

* نقد أقلام الحسد منو ماني مبالي..

* رائع يا سودان في أفريقيا كعبك عالي..

* علمك يا بلد في رواندا رفرف عالي..

* حبك يا بلد هو الرصيد رأسمالي..

* مناي ليك دوام الانتصار متوالي..

* مريخ السودان ما ببخل عليك بمجالي..

* يا ند الهلال ليك معزتي وإجلالي..

* لشعب السودان يا (أبومصعب) خالي..

* بعطي الوطن حقه ولشعاري بوالي..

* نهج العصبية ما بمشيه إلا ضلالي..

* في إيه المهاترة للإعلام بقولوا سؤالي..

* الكاتب المهاتر ناقص عقل بتهيألي..

* مريخ السودان حققت نصراً غالي..

* وعلى حساب الخصم تأهلت من كيجالي..

* انتصارك مبروك لوطن الجدود الغالي..

* ومبروك كمان للصفوة وللرئيس الوالي..

* مريخ السودان عشق القليب الخالي..

* الأحمر الوهاج مذاق الكرة الحالي..

* في سماء رواندا اتوهج نجمك لآلي..

* زين الوجود بمشهد بديع وجمالي..

* التاكسي المزعوم طلع عجلة رالي..

* التاكسي سيح محتاج سيور وبلالي..

* مريخ السودان يا روعة تيمه الحالي..

* بقيادة الفلتة عجب الكل ياحلالي..

* مريخ السودان صاحب سمو ومعالي..

* النادي الأفريقي الدورو عظيم ورسالي..

* مع عتلة افريقيا ديمة حربه سجالي..

* سير يا بطل والهلال معاك طوالي..

* الأحمر الوهاج ألقى البيان التالي..

* انا فاكهة الكرة في حلي أو ترحالي..

* معروف للأفارقة الكميروني أو المالي..

* وأيضاً لكل العرب العراقي والصومالي..

* انا المارد الأفريقي الكاوي لعزالي..

* الفارس المغوار بيخشى الكل لي نزالي..

* اتوحد في هواي الجنوبي ومعاه شمالي..

* في جوبا وسواكن وسودري ودارمالي..

* ياجمهور الصفوة لي هبي تعالي..

* الموظف والمزارع والتاجر أو العتالي..

* في الرد كاسل احسنوا استقبالي..

* نحتفي بالانتصار الصنعوه عنوة أبطالي..

* من عاشق للوطن لامحرش لا طبالي..

* متحري الصدق في قولي وفي أفعالي..

* بخاف الجليل ومنو بترتعد أوصالي..

* مولاي ارحم ضعفي يا بر ويا متعالي..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الهلال

avatar

المساهمات : 19
تاريخ التسجيل : 29/06/2011

مُساهمةموضوع: رد: شاعر هلالي ازهله المارد الاحمر فراح اتغزل في المريخ   الأربعاء يونيو 29, 2011 1:49 pm

مشكووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شاعر هلالي ازهله المارد الاحمر فراح اتغزل في المريخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
::::منتديات موقته لحين تدشين الموقع الرسمي للرابطة:::: :: المنتديات العامه :: منتدى حب المريخ-
انتقل الى: